सा.बारामती टाईम्स

  बारामती (सह- संपादक- संदिप आढाव)     सकल ओबीसी व भटक्या विमुक्त   समितीच्या माध्यमातून ओबीसी वरील झालेल्या अन्यायाला वाचा फोडण्यासाठी महाराष्ट्रातील सर्व आमदार,खासदार,मंत्री महोदय यांना जाब विचारण्यासाठी लोकप्रतिनिधींच्या निवासस्थानासमोर 1 फेब्रुवारी 2024 ला शांततेच्या मार्गात धरणे आंदोलन व निवेदनदेण्याचा निर्णय झालेला आहे. त्याचाच भाग म्हणून बारामतीचे लोकप्रतिनिधी उपमुख्यमंत्री अजित पवार यांच्या सहयोग सोसायटीसमोर धरणे आंदोलन व निवेदन देण्याचे नियोजन करण्यात आले आहे.     तरी सर्व सकल ओबीसी व भटक्या विमुक्त समाजाने प्रत्येक गावातून,वाड्या वस्तीवरून मोठ्या संख्येने ओबिसी आरक्षण संरक्षणासाठी  उपस्थित राहावे असे आवाहन करण्यात आले आहे.  तरी सर्व ओबीसी बांधवांनी पंचायत समिती बारामती येथे सकाळी दहा वाजता बहुसंख्येने जमावे असे आवाहन संयोजकांनी केले आहे.